SchmuDoWaBu Club

SchmuDoWaBu-Rätsel 2025

Wer wird SchmuDoWaBu-Muätter 2025?
Jetzt gad das grossi Rätselrate nid nur bi dä Bartli, nei au bim SchmuDoWaBu-Club los,
das findet vor allem de Vorstand vo dä Wagebuer ganz famos.
Es wird aber nid en Vater, sondern en SCHMUDOWABU-MUÄTTER bestimmt,
Grücht und Spekulatione um möglichi Kandidatinne verbreited sich wiä dä Wind.

D’SchmuDoWaBu-Muätter isch im Brunner Dorf wiit ume bekannt,
denn mid ihrere sympathische Art isch sie bi jedem Fäscht en Erfolgsgarant.
So cha sie au guet choche und bache,
Und mid ihre chasch über so vieli Sache herzhaft lache.

Sie hilft au gärn und so ziemli a jedem, wo fragt,
und bruchts ihri Unterstützig mal chli länger, isch sie keini, wo chlagt.
Sie isch au kreativ und chan sehr guet baschtle,
ganz egal – öb mid Holz, Stoff, Papier oder enere Kartonschachtle.

Unterwägs isch d’SchmuDoWaBu-Muätter grundsätzlich gern,
mer trifft sie mid dr Familie oder Kolleginne in Nah und Fern.
Sigs a dr Fasnacht oder wiit wäg imene schöne Egge,
mid ihre chasch überall öppis Luschtigs ushecke.

Au ihre Maa isch en glatte Kärli,
verzellt da und det öppe gärn en Witz oder es Märli
s’Herz hend sowieso beidi am rechtä Fläck,
so tribed sie au Sport, denn das isch ja für ne guetä Zwäck.

Jetzt lönd mier üch mal echli la studiere und rate,
lueged bsunders uf dä SchmuDoWaBu-Muätter ihri guete Tate.
Mier freued üs uf d’GV und d’Isetzig a üsem traditionelle Fritig,
und wer weiss, villicht chunnt dänn sogar no öppis i dä Zitig.

Mier wünsched üch en ganz schöni Fasnacht 2025!

Ii dem Sinn sägid miär nid nur läbä und läbä lah, sondern au Hammer und Nagel schlah!

Dä Vorstand vom SchmuDoWaBu-Club

Rätsel herunterladen

Wer wird SchmuDoWaBu-Mutter? Stimme ab

Wir suchen Helfer

Für die Fasnacht 2025 suchen wir helfende Hände. Ob z.B. Trüllerhölle stellen, Bar einräumen oder hinter der Bar ausschenken, wir haben für jeden was zu tun.  Wenn du deinem Verein helfen willst, trage dich bitte unter folgendem Link ein.

SchmuDoWaBu-Helfer Fasnacht 2025

Danke für deine Mithilfe

Wir suchen Helfer für den Fasnchtsmärcht.

Am 11. Januar 2025 findet der Brunner Fasnachtsmärcht stat. Der SchmuDoWaBu Club stellt auch Helfer für den Service. Falls du Interesse hast, trage dich bitte unter folgendem Link ein.

Wir haben zwei Schichten, 5 Personen 18:00-23:00 i der Kaffehütte und 5 Personen 22:00-03:00 i der Rondel Bar.

Danke für deine Mithilfe

Fasnachtsmärcht Helfer

SchmuDoWaBu Programm 2024/2025